السـلااااااااااااام عليكـــم ,،
شلووونكــم ؟؟
طبعــاً ارضاع الطفل خصوصاً بالرضَاعه يسبب له الغازات و مغص و غيره من الاشياء التي تسبب
المتاعب لطفلك أولاً .، و لك ثانياً .
______________
في البداية كنت لما تبجي بنتي من آلام بطنها .، كنت اعطيها ماي مرقدوش او لقاح ..
بعدين صرت اغلي لها نعناع أو حبة حلوة ... الخ
بس مرات ما يهدي بطنها حتى لو شربتهم :ss: .. احركها و انقزها و اهمز بطنها بس ماكو فايده .. اظل وياها تبجي لين تتعب و تنام :( و هذا الحال كل مرة .
المهم .،
ريلي كان رايح المستشفى .، و شاف خالته .. عاد اسئلته عن النونو فقال لها وايد تبجي من الغازات و المغص اللي اييها .
فقالت له عن رضّاعه كانوا اول بس ايبيعونها بالانترنت ، لكن الحين موجوده بالصيدليات
اشتراها ولدها حق بنته من فتره و تغير حالها وااااايد .
ميزة هالرضّاعه انها تقلل الغازات و التجشؤ و المغص و الترجيع اللي عند البيبي .
فـ ما صدقنا خبر خخخخخ .. راح ريلي و شراها .. عاد اهي مو رضّاعه عادية لا .. تركيبتها غير
فيها من داخل مثل انبوبه عريضه و داخل الانبوبة انبوب اصغر منه هذا الانبوب صغير بحيث يقلل الغازات
و يوصل السائل بس للبيبي .
اسم الماركــة Dr Brown's Natural Flow
و هذي هي و في منها اشكـال :-
( شوفوا التركيبة الداخليـة )
حبيت افيدكم في الموضوع .، لأن اعرف شكثر نعاني مع البيبي لمن يكون فيه غازات .
و ان شالله يكــــون فادكــم :)
